Adiu, planvenguts a linfòc. Nadau, abans Los de Nadau, es lo grop mai famós de la musica occitana, per la qualitat de sa musica e per la sieu longevitat. Son nascuts en 1973, a Tarba, del rescontre de Miquèl Maffrand, Jaume Ròth e Ninon Paloumet. 36 ans daquò! Nadau son los autors de 'Limmortela', polida cançon que servís dimne politicament corrècte, per çò que sagís pas de lo Se Canta, dels occitanistas, ne de la Copa Santa, dels felibres. Se Juliette Gréco a editat 'À lOlympia', se Céline Dion a editat 'À LOlympia', se... bon diu!, Adamo! a editat 'À LOlympia'… - Nadau aviá lo drech tanben deditar son 'Nadau a lOlympia', e per duplicacion, i a lo DVD de 2000 e lo 2005. I an jogat dos còps e ara i van tornar...

Nadau va far son tresen concèrt a lOlympia lo 24 dabrial. E totas las intradas son ja vendudas. Miquèl Maffrand a declarat a La Setmana que i aurà 5 o 6 cançons novèlas. Parlarem lèu daquel tresen DVD, que lesperem amb ànsia.

'Marabunta' se presenta al preambul coma anuari sus dunas activitats artisticas a Catalonha, quensajariá desclairar las ombradas al defòra de las culturas oficialas e de consumacion ; coma recampament dideas e de questions pausadas a Gràcia Territòri Sonòr ; coma prepausa de debat sus tematicas quan interessat a Marabunta, dins la seguença dun particular procès istorico-social de lart vivent a Catalonha. Per èstre al fial de çò que bolega aicibàs vos cal legir Marabunta. Si parla de deriva experimentala en temps dipertrofia urbana ; dins la seccion pertorbacion de laire i anatz trobar un dorsièr dedicat a la musica improvisada e al fach musical. Dont una question interessanta es : ¿ e cresètz que i pòt aver de musica al defòra de la intencionalitat musicala ? Si parla de las ràdios liuras de la transicion, de levitacion contemporanèa, de fanzines desoblidats... Marabaunta es una revista bailejada per Víctor Nubla, Sebastià Jovani e Quim Díaz. Vos la recomandam plan.

O cal dire. Linfòc a fach mèuca. August Rafanèlh ganhèt en 2006 lo Premi Serra dÒr de la Critica per 'La il·lusió occitana', una òbra titanica que conta listòria dun fracàs, lo de lensag de bastir una mapa politico-lingüistica occitano-catalana. Un libre dens e preciós. Nos ditz Jaume Figueras, President de lIcEO, ques daumatge que la màger part dels comptes renduts an pas legit quaquelas paginas a prepaus del manifest desviacions en els conceptes de llengua i pàtria. Escotam Jaume Figueras.

'La il·lusió occitana' es estada editada per Quaderns Crema dins sa colleccion densages, còsta 58 èuros.

E cal pensar a clavar. Loccitanisme tot visita aquestes jorns lo Parlament de Catalonha a prepaus del Projècte de Lei de laranès, presentat lo 10 de febrièr. Son estats invitats Aitor Carrera, Xavier Lamuela, Jaume Figueras, Dàvid Grosclaude... Vos aprestarem lèu un programa especial amb tot aquò. Dunes san carpinhat ja a prepaus del nom de la lei. ¿ Seriá melhor Lei de loccitan ? ¿ Seriá melhor Lei dAran ? Veirem laplicacion. Baste que laplicacion de la lei de laranés pensarà a la lenga tota, e profiecharà a la lenga tota.

Amics, avèm acabat linfòc en dubèrt, comença nòstre BONUS TRACK. A www.btvnoticies.cat seccion occitan lengadocian, dr. Bardòu nos va parlar de literatura aranesa... dal nòrd dEth Pònt de Rei. A plan lèu, laudiéncia ingrata que nos daissa a naqueste moment: vos anatz perdre una declaracion de tria! Venètz un jorn sus nòstra paja, que! Lo demai del monde, agachatz!