Bon dia, moment entàs informacions en occitan. Tant estan passat coma es anteriors, er Infòc quei anat tara Val dAran per Sant Joan entà aufrir-vos es hèstes deth Haro de Les e deth Taro dArties. Enguan, per Pasca, quauem anat tà Bossòst a on, cada an, an lòc processions de nomentada. Enguan, ath delà daquerò, era Associacion de Comerçants e Empresaris de Bossòst a organizat ua exposicion qu'arrecuelh fotografies des processions des darrèri 100 ans.

Er Institut dEstudis Occitans en collaboracion damb eth Conselh Regionau de Meddia Pirenèus qua metut en foncionament un servici demplec en linha. Se tracte deth prumèr servici que met en contacte es aufèrtes e es demandes de trabalh a on er occitan i é un requisit. Ath delà, que i trobaratz explicacions e informacions practiques tant tàs demanaires coma tàs aufertaires: com hèr un Curriculum Vitae, com preparar ua entrevista de trabalh, com redigir un contracte laborau o com ramplir ua huelha de salari. Ath delà daquerò, eth Servici der Emplec qu'informe as sòns usatgèrs per telefòn, que publique es aufèrtes enes universitats, en centres de joens e en burèus d'informacion. Un vertadèr hilat dera activitat economica e culturau occitana.

Musica. Era banda lenguadociana de ska-punk GoulamàsK qua publicat eth sòn darrèr trabalh Avís de tempèsta.

Aguesta setmana quan començat en Parlament de Catalonha es comparucions sus aquera lei que non sabem se fin finau se nomentarà Lei der occitan en Catalonha, Lei der aranés o Lei dera lengua dAran. Que i an compareishut es autoritats mès representatives dera lengua occitana de tot eth país. En pròplèus programes que vos ninformaram. Adishatz!